Friday 22 August 2014
اوس په غم دې که مړنه شم څه سړی یم
تا د زړه په وینو لوې کړم چې ځلمی یم
اوس په غم دې که مړنه شم څه سړی یم
که دوستانو ته دې ګل یم د ګلابو
هر غلیم ته دې په سترګو کې اغزی یم
که مې دا ځل دښمن وویست ستا له کوره
بیا به وایم په رښتیا چې زه زمری یم
ته خوشبو د ابدې ژوند یې ای ګله
زه پخپل خزان هم خوښ دې په سپرلی یم
د ژوندي قومونو څنګ ته چې رانشي
تر هغې به زه نه وایم چې ژوندی یم
د دنیا طبیبان څنګه به مې روغ کړي
طاهري هجر یې ایشتلی په زړګی یم
شکرالله طاهري
Subscribe to:
Post Comments (Atom)
No comments:
Post a Comment